Вучні 6-7 класаў нашай школы , разам з класным кіраўніком 6 класа, Жуком Васілём Мікалаевічам, наведалі краязнаўчы музей у Лунінцы. Хоць у музеі былі не першы раз, аднак убачаным былі вельмі прыемна ўражаны. У гэты час у музеі праходзіла выстава "Старадаўнія вобразы". Дзеці змаглі не толькі пазнаёміцца са старадаўнімі вобразамі, але і прыкласціся да іх. Выстаўлена было шмат вобразаў: "Стретение Господне", "Архангел Михаил", "Спас нерукотворный", "Богоматерь Казанская", "Святой Пантелеймон", "Святой Николай", "Святой Георгий" і інш.

Усе вобразы 18-19 стагоддзяў і дастаўлены яны з Брэсцкага музея "Выратаваныя каштоўнасці".